BAKI, 16 oktyabr — Sputnik. Böhran Vəziyyətlərində İdarəetmə Mərkəzinə daxil olmuş məlumata əsasən, Bakı şəhərinin Nərimanov rayonunda inzibati binanın liftində təmir işləri aparan 1991-ci il təvəllüdlü Əhmədov Orxan Şəhrab oğlu liftin şaxtasına yıxılıb. Bu barədə Sputnik Azərbaycan-a Fövqəladə Hallar Nazirliyinin (FHN) mətbuat xidmətindən məlumat verilib.
Xüsusi Riskli Xilasetmə Xidmətinin xilasediciləri O.Əhmədovun cəsədini şaxtadan çıxararaq aidiyyəti üzrə təhvil veriblər. Əməliyyat başa çatıb.
Qeyd edək ki, hadisə SOCAR-ın Heydər Əliyev prospektində yerləşən yeni inzibati binasında baş verib. 26 yaşlı Orxan Əhmədov oğlu liftdə təmir işləri aparırmış. Bu zaman o, liftin şaxtasına yıxılıb və yerindəcə keçinib.
