BAKI, 14 oktyabr — Sputnik. Kaliforniyada meşə yanğınları davam edir. Sputnik Azərbaycan xarici mətbuata istinadla xəbər verir ki, meşə yanğınlarında 40-a yaxın insan həlak olub, 400-dən çox adam itkin düşüb.
Əyalətdə 17 nöqtədə baş verən yanğınlarda 3500 ev və ofis zərər görüb, 647 kvadrat kilometr meşə ərazisi yanaraq kül olub. Bölgədən 5 min sakin məcburi şəkildə təxliyə edilib.
Qeyd edək ki, ABŞ-da bu il ərzində baş verən meşə yanğınları 2 milyard dollar məbləğində maddi ziyan vurub. Bu, indiyədək, yanğınlar nəticəsində dəyən ən böyük zərərdir.
