Qulu Məhərrəmli: “Azərbaycan dilinin təbliği lazımi səviyyəyə qalxmalıdır”
"Ədəbi dil normalarının pozulmasına qarşı tətbiq edilməsi nəzərdə tutulan cərimələrlə bağlı təkliflər planı hazırlanıb”. Bunu AMEA Nəsimi adına Dilçilik İnstitutunun direktoru Möhsün Nağısoylu “Azərbaycan dilinin müasir problemləri: reallıqlar və vəzifələr” mövzusunda keçirilmiş konfransda deyib.
Televiziya eksperti, professor Qulu Məhərrəmli Sputnik Azərbaycan-a deyir ki, dil xətalarına görə cərimələrin tətbiq edilməsi yolverilməzdir: “İlk növbədə Azərbaycan dilinin işlədilməsi ilə bağlı bəzi problemlər həll edilməlidir. Azərbaycan dilinin təbliği lazımi səviyyəyə qalxmalıdır”.
