BAKI, 10 oktyabr — Sputnik. ABŞ-ın Kaliforniya ştatında, şərab istehsalı üzrə tanınan regionlarda başlayan güclü meşə yanğını sürətlə yayılır. Sputnik Azərbaycan BBC-yə istinadla xəbər verir ki, yanğın nəticəsində, ən azı 10 nəfər həyatını itirib, itkin düşənlər də var.
Üzüm bağları ilə məşhur olan Napa, Sonoma və Yuba bölgələrindən 20 min nəfər insan qaçmaq məcburiyyətində qalıb. Kaliforniya ştatının qubernatoru fövqəladə vəziyyət elan edib. Hələlik səbəbi bilinməyən yanğın nəticəsində 1500 evə ziyan dəyib.
