Ən şirin yarmarka

Bakının Xətai rayonunda, Nobel prospektindəki “A.M.A.Y Holdinq” MMC-nin ticarət mərkəzində ənənəvi bal yarmarkası keçirilir.

Sputnik Azərbaycan-ın məlumatına görə, builki bal yarmarkasına 333 arıçı öz məhsulunn təqdim edib ki, bu da ötən illə müqayisədə 78 nəfər çoxdur.

Bu il satışa 107,5 ton süzülmüş bal, 5,5 ton şan balı, 1200 tona yaxın digər arıçılıq məhsulları çıxarılıb. Yarmarkada ən çoxsaylı Lənkərandan olan iştirakçılardır ki, onların da sayı 107-dir. Şəki-Zaqatala zonasından 76, Gəncə-Qazax zonasından isə 60 arıçı yarmarkada iştirak edir.

Balın kilosu 20-35 manat arasında satılır.

Yarmarka noyabrın 5-də başa çatacaq.