Leyla Abdullayeva, Sputnik Azərbaycan
BAKI, 6 oktyabr — Sputnik. Xızıda şəxsiyyəti naməlum olan meyit tapılıb. Xızı rayon prokurorluğundan Sputnik Azərbaycan-ın bölgə müxbirinə verilən məlumata görə, oktyabrın 5-də səhər saaatlarında rayon ərazisindən keçən Taxtakörpü-Ceyranbatan su kanalının 53,6 km-də, Giləzi qəsəbəsi ərazisində naməlum kişi meyiti tapılıb.
Üzərində heç bir zorakılıq əlaməti olmayan meyidin əynin yalnız alt paltarı olub.
Prokurorluq və polis əməkdaşları meyitə baxış keçirib. Onun boyu 170 sm, yaşının isə 55-60 arası olduğu deyilir.
Xızı prokurorluğunda CM-nin 125-ci maddəsilə cinayət işi açılıb, meyidin şəxsiyyəti araşdırılır.
