BAKI, 6 oktyabr — Sputnik. Samur-Abşeron kanalının Xızı rayonu ərazisindən keçən hissəsində çürümüş kişi meyiti tapılıb. Bu barədə Sputnik Azərbaycan-a hüquq-mühafizə orqanlarından məlumat verilib.
Cəsəd oktyabrın 5-də kanalın axınının təmizlənməsi zamanı aşkarlanıb. Patoloqoanatomlar cəsədi tədqiq edərkən, onun iki aydan da əvvəl öldüyünü müəyyən ediblər.
Hadisənin hansı şəraitdə baş verdiyi hələlik məlum deyil. Kişinin şəxsiyyəti də hələlik məlum edilməyib. Hüquq mühafizəçilərinin sözlərinə görə, meyit Samur-Abşeron kanalının öz mənşəyini götürdüyü Rusiya Federasiyasından da axıb gələ bilər.
Faktla bağlı Xızı Rayon Prokurorluğunda AR Cinayət Məcəlləsinin 125-ci (intihar həddinə çatdırma) maddəsi ilə cinayət işi açılıb.
