BAKI, 6 oktyabr — Sputnik. Türkiyə polisi Fətullahçı Terror Təşkilatının (FETÖ) Azərbaycan üzrə təmsilçisini həbs edib.
Sputnik Azərbaycan xəbər verir ki, bu barədə "Anadolu" agentliyi məlumat yayıb.
Məlumatda ad və soyadlarının baş hərfləri qeyd olunmuş şəxsin (F.Y.) FETÖ-nün Azərbaycandakı quruculuğunda mühüm rol oynadığı bildirilib.
Xəbərdə həmçinin barəsində məhkəmə tərəfindən həbs qətimkan tədbiri seçilmiş şəxsin Türkiyə ərazisinə daxil olarkən saxlanıldığı və Ankara Şəhər Polis İdarəsinin Terrorizmlə mübarizə şöbəsinin əməkdaşlarına təhvil verildiyi qeyd edilib.
