BAKI, 4 oktyabr — Sputnik. İspaniyanın Kataloniya muxtar vilayətinə bağlı Barselona şəhərində, Madrid hökumətinin təzyiqinə və polisin dinc nümayişçilərə qarşı rəftarına etiraz edən yüz minlərlə insan küçələrə axışıb. Bölgədə ümumi tətil elan edilib.
Sputnik Azərbaycan RT-yə istinadən xəbər verir ki, rəsmi qurumlar və özəl müəssisələr işə çıxmamaq barədə qərar veriblər. Tətil İspaniya saatı ilə 06:30-da başlayıb. Nümayişlərdə Barselona şəhər əhalisinin 80%-i iştirak edir.
Aksiya iştirakçıları, Kataloniyanın müstəqilliyi elan edilənədək tətilə davam edəcəklərini bildiriblər.
