BAKI, 3 oktyabr — Sputnik. Səudiyyə Ərəbistanında tələbələrə universitetlərin ərazisinə cib telefonu ilə daxil omağa icazə verilib.
“Report” xəbər verir ki, Səudiyyə Ərəbistanının maarif naziri Əhməd əl-İsa bu qadağanı ləğv edib.
İnformasiyaya əsasən, valideynlərin bu qərara etiraz etmələri səbəbindən nazir belə bir qadağanı aradan götürüb.
Nazir bildirib ki, tələbələr yetərincə məsuliyyətlidir və onlara etmad göstərmək olar: “Bəzi ailələrin vəziyyəti də bunu tələb edir. Tələbələrin çoxu ailəsi ilə davamlı olaraq əlaqə saxlayır ”.
Məlumata görə, ali təhsil sahəsində islahatlar bununla bitməyib. Belə ki, saat 11-dək dərsləri başa çatan tələbələr universitet ərazisini tərk etmək üçün valideynlərindən icazə almalı idilər. Ancaq indi bu icazəyə ehtiyac olmayacaq. Onlar dərslər başa çatan kimi, universitet ərazisini tərk edə bilərlər.
