BAKI, 2 oktyabr — Sputnik. Bu gün səhər saatlarında Şamaxı yolunda ağır avtomobil qəzası baş verib. Sputnik Azərbaycan-ın bölgə müxbiri xəbər verir ki, hadisə Şamaxı rayonunun Sabir qəsəbəsi ərazisində baş verib.
İki "Mercedes" markalı avtomobilin toqquşması nəticəsində 3 nəfər ölüb, 3 nəfər yaralanıb. Yaralılar Şamaxı Rayon Mərkəzi Xəstəxanasına çatdırılıb. Vəziyyətləri orta ağır hesab edilir. İlkin məlumata görə, qəzaya səbəb yüksək sürət olub.
