BAKI, 2 oktyabr — Sputnik. Milli Məclisin payız sessiyasının ilk iclası Azərbaycan dövlət himninin oxunması ilə öz işinə başlayıb. Sputnik Azərbaycan xəbər verir ki, Milli Məclisin spikeri Oqtay Əsədov payız sessiyasının ilk açılış günü münasibəti ilə deputatları təbrik edib.
"Parlamentin yay sessiyasının 14 iclasında 268 qanun və qərar qəbul edilib. Azərbaycan parlamenti 10 beynəlxalq parlament aыsambleyasının üzvüdür. Bizim deputatlar bu qurumlarda aktiv iştirak ediblər. Bu müddət ərzində deputatlarımız 34 xarici səfərdə olublar" — spiker bildirib.
"Eləcə də Azərbaycan parlamentinə 35 xarici səfər gerçəkləşdirilib. Milli Məclisin xətti ilə Bakıda 4 beynəlxalq tədbir keçirilib. Azərbaycan parlamenti dövlət başçısı İlham Əliyevin siyasətini parlament səviyyəsində təmsil və müdafiə edib" — O. Əsədov əlavə edib.
