BAKI, 27 sentyabr — Sputnik. Azərbaycan Mərkəzi Bankı (AMB) dolların rəsmi məzənnəsini aşağı salsa da, banklararası ticarətdə dollar gözlənilmədiyi halda, bahalaşıb. Fins.az xəbər verir ki, sentyabr ayının 27-də "Bloomberg" terminalında dollar 0,11% dəyər qazanaraq 1.6980 manata yüksəlib.
Qeyd edək ki, ötən gün terminal üzərində son ticarət 1.6961 manat məzənnəsi ilə yekunlaşmışdı.
Bildirək ki, sentyabrın 27-na Mərkəzi Bankın açıqladığı rəsmi dollar/manat məzənnəsi, sentyabrın 26-i ilə müqayisədə 1,7008-dən 1,7002 manata düşüb.
