Rahim Zakiroğlu, Sputnik Azərbaycan
BAKI, 27 sentyabr — Sputnik. Bu gün səhər saatlarında Lənkəran-Lerik magistral yolunda iki avtomobil toqquşub. Sputnik Azərbaycan-ın bölgə müxbirinin verdiyi məlumata əsasən, avtomobil qəzası Lənkəran rayonunun Qurunba kəndi ərazində baş verib.
"VAZ-2106" markalı minik avtomobili ilə "Volga Gaz-24" markalı minik avtomobilinin toqquşması nəticəsində, avtomobillərdə olan Lənkəranın Narbağı kənd sakini Qızılgül Məmmədova hadisə yerində ölüb, Gülşən Şirinova isə xəsarət alıb.
Hadisə yerində keçinən Qızılgül Məmmədovanın meyiti Lənkəran morquna aparılıb, xəsarət alan Gülşən Şirinova isə Lənkəran Rayon Mərkəzi Xəstəxanasına çatdırılıb. Xəstəxanadan verilən məlumata əsasən, G. Şirinovanın vəziyyəti orta-ağır olaraq dəyərləndirilir.
