BAKI, 25 sentyabr — Sputnik. Bakı şəhəri 5 saylı Klinik Xəstəxanasının baş həkimi Ziya Əsədov vəfat edib. Onun gecə yatdığı, səhər yuxudan ayılmadığı bildirilir.
Səhiyyə Nazirliyinin mətbuat xidmətinin rəhbəri Liya Bayramova Sputnik Azərbaycan-a açıqlamasında məlumatı təsdiqləyib. Bildirib ki, 63 yaşlı Z.Əsədov dünən gecə saatlarında ürəktutmasından vəfat edib.
Z. Əsədov bu gün dəfn olunur. Qeyd edək ki, o, Azərbaycan xalq şairi Bəxtiyar Vahabzadənin kürəkənidir.
