BAKI, 23 sentyabr — Sputnik. ABŞ Hərbi-Hava Qüvvələrinə məxsus B-1B bombardmançı təyyarələri Şimali Koreyanın şərq sərhədlərinə bitişik əsgərlərdən azad edilmiş bölgənin lap yaxınlığından keçiblər.
Sputnik Türkiyə Reuters-ə istinadla xəbər verir ki, ABŞ Müdafiə Nazirliyinin (Pentagon) məlumatına görə,B-1B bombardmançı təyyarələri Şimali Koreyanın şərq sərhədlərinə bitişik əsgərlərdən azad edilmiş bölgəyə bu əsrdə heç yaxınlaşmadıqları qədər yaxınlaşıblar.
Uçuşun ABŞ-ın hərbi imkanlarını nümayiş etdirmək məqsədilə həyata keçirildiyi bildirilib.
Pentagon məsələylə bağlı bildirib ki, sözügedən uçuşlar ABŞ prezidenti Donald Trampın əlində hər cür hədəyə cavab vermək üçün bir çox hərbi rıçaqlarının olduğuna dair mesajının arxasında dayanan gücü göstərmək məqsədilə reallaşdırılıb.
Açıqlamada həmçinin deyilir: "Birləşmiş Ştatlar və müttəfiqlərimizi müdafiə etmək üçün hər bir hərbi imkanımızdan istifadə etməyə hazırıq."
