Sədrəddin Soltan: “İraqın şimalında keçiriləcək “referendum” anti-terror əməliyyatlarına zərbədir”
"Suriya və İraqda terrorçuluğa qarşı mübarizənin getdiyi bir vaxtda İraqın şimalında “referendum”un keçirilməsi vəziyyəti mürəkkəbləşdirir". Bunu Sputnik Azərbaycan-a açıqlamasında Orta Doğu araşdırmalar mərkəzinin rəhbəri Sədrəddin Soltan deyib.
“Bu “referendum” anti-terror əməliyyatlarına zərbə kimi qiymətləndirilə bilər. Həmçinin, bölgənin neft-qaz məhsullarının Türkiyə vasitəsilə Avropa bazarlarına çıxmasında problemlər yaranacaq” – deyə o bildirib.
Qeyd edək ki, İraqın şimalındakı kürd muxtariyyəti sentyabrın 25-də “müstəqillik referendum”u keçirməyi planlaşdırır.
