BAKI, 22 sentyabr — Sputnik. Azərbaycanda dayanıqlı inkişaf məqsədləri üçün regional mərkəzin yaradılması təklif edilib. Sputnik Azərbaycan xəbər verir ki, bu təkliflə Rumıniyanın baş nazirinin dövlət müşaviri, Parlamentlərarası İttifaqın təmsilçisi Laşlo Borbeli, Milli Məclisdə "Avronest" Parlament Assambleyasının (PA) "Dayanıqlı İnkişaf Məqsədləri üzrə gender bərabərliyi və qadın sağlamlığının təşviqinə Şərq Tərəfdaşlığı ölkələri parlamentlərtinin cəlb edilməsi" mövzusunda keçirilən konfransında çıxış edib.
Onun sözlərinə görə, bu, regionda aparıcı mərkəzə çevrilə bilər. Laşlo Borbeli Rumıniyanın bu sahədə əldə etdiyi təcrübədən də danışıb. Bildirib ki, baş nazirlikdə belə bir mərkəz yaradılıb.
