BAKI, 21 sentyabr — Sputnik. Sentyabrın 21-ə keçən gecə Gəncə şəhəri, Məhsəti qəsəbəsində ümumi sahəsi 72 m2 olan birmərtəbəli 3 otaqlı evin mətbəxinin yanar konstruksiyaları 9 m2 sahədə və dam örtüyü 15 m2 sahədə yanıb. Bu barədə Sputnik Azərbaycan-a Fövqəladə Hallar Nazirliyinin (FHN) mətbuat xidmətindən məlumat verilib.
Yüksək temperaturdan evə bitişik tikilmiş talvarın lambirindən ibarət tavanı 36 m2 sahədə əriyib. Evin qalan hissəsi yanğından mühafizə olunub. Yanğın saat 02:45-də yanğınsöndürənlər tərəfindən söndürülüb.
