BAKI, 20 sentyabr — Sputnik. Meksikada güclü zəlzələ nəticəsində azı 139 nəfər həyatını itirib.
Bu barədə ölkənin Qəza-Xilasetmə Xidmətinin rəhbəri Luis Felipe Puente məlumat verib.
Paytaxt Mexikoda zəlzələ zamanı məktəb binasının uçması nəticəsində 22 uşaq və 2 böyük insan dünyasını dəyişib.
Çərşənbə axşamı Meksikada 7,1 bal gücündə zəlzələ baş verib. Nəticədə evlər dağılıb, insanlar təxliyyə olunub və paytaxt Mexikoda fövqəladə vəziyyət rejimi elan edilib.
