BAKI, 20 sentyabr — Sputnik. Türkiyənin Niğde vilayətində Ali Polis Məktəbində helikopter qəzası baş verib. Sputnik Azərbaycan "Milliyet"-ə istinadən xəbər verir ki, bir polis həyatını itirib, biri ağır yaralanıb.
Məlumata görə, təlim zamanı helikopterin pəri polislərə çırpılıb. Nəticədə onlar xəsarət alıb. Polislərdən biri hadisə yerində ölüb, o biri isə ağır vəziyyətdə xəstəxanaya yerləşdirilib.
Polis baş verən hadisə ilə bağlı araşdırma aparır.
