BAKI, 20 sentyabr — Sputnik. Bu gün ABŞ Mərkəzi Bankının (FED) növbəti toplantısı başa çatacaq. Sputnik Azərbaycan xəbər verir ki, Bakı vaxtı ilə saat 22:00-da FED faiz artımı ilə bağlı qərarını açıqlayacaq. Bu qərar, Bakı vaxtı ilə 22:30-da, FED rəhbəri Canet Yelenin keçirəcəyi mətbuat konfransında elan olunacaq.
Xatırladaq ki, FED-in bu gün faiz artımına gedəcəyi ehtimalı yüksəkdir. Bu isə bütün dünya üzrə dolların bahalaşacağına səbəb olacaq. Dollar bahalaşmasının Azərbaycandan da yan keçməyəcəyi ehtimal olunur.
