BAKI, 18 sentyabr — Sputnik. Venesuela prezidenti Nikolas Maduro özünü SSRİ lideri İosif Stalinə bənzədib. Sputnik Türkiyə xəbər verir ki, o, bu barədə ölkə telekanallarının birində qatıldığı veriliş zamanı deyib.
"Məni Kariblərin Stalini olaraq görənlər var. Ona bənzəyirəm, üz cizgilərimə baxın. Güzgüdə özümə baxanda bunu görə bilirəm. Bığlarımız da eynidir" — Maduro deyib.
Maduro, onu tənqid edən qərbli liderlərin, öz ölkələrində daha sərt tədbirlər gördüyünü söyləyib: "İspaniya baş naziri məni diktator olmaqda təqsirləndirir. Kimdir diktator? 700 bələdiyyə sədrini həbs etmək üçün Kataloniyaya polis göndərən Mariano Rahoymu, yoxsa müxalifətin referendum keçirməsinə icazə verən Maduromu?"
