BAKI, 18 sentyabr — Sputnik. Sentyabrın 18-dən ölkəmizdə Azərbaycan və Türkiyə Hərbi Hava Qüvvələrinin iştirakı ilə "TurAz Qartalı — 2017" birgə taktiki-uçuş təlimləri başlayıb.
Sputnik Azərbaycan Müdafiə Nazirliyinin mətbuat xidmətinə istinadla xəbər verir ki, sentyabrın 30-dək davam edəcək təlimlərdə iki ölkənin Hərbi Hava Qüvvələrinə məxsus MiQ-29, F-16, Su-25, C-130 Herkules, CASA CN-235 təyyarələri və Mi-35, Mi-17, Sikorski S-70 helikopterlərindən ibarət 30-dək aviasiya vasitəsi iştirak edəcək.
