BAKI, 16 sentyabr — Sputnik. Azərbaycanda 14 nəfərə qarşı 34 min manatlıq dələduzluq edən qadın və kişi tutulub.
Sputnik Azərbaycan xəbər verir ki, bu barədə Daxili İşlər Nazirliyinin rəsmi saytı məlumat yayıb.
Belə ki, dələduzluq etməkdə şübhəli bilindiyinə görə tutulan Dürrə İsmayılovanın və Rəşad Mustafayevin ətraflarında Xətai Rayon Polis İdarəsinin əməkdaşları tərəfindən aparılan tədbirlərlə bü şəxslərin 2015-ci ilin avqust ayından cari il may ayınadək olan müddətdə Bakı şəhər sakinləri olan 14 nəfəri aldadaraq ümumilikdə 34150 manat dəyərində qızıl-zinət əşyalarını mənimsəmələri müəyyən edilib.
Faktla bağlı araşdırma aparılır.
