BAKI, 6 sentyabr — Sputnik. Ukrayna məktəblərində rus sektoru qadağan olunub. Sputnik Azərbaycan bu barədə "Vesti Ukraina"-ya istinadən xəbər verir.
Məlumata görə, Ali Rada məktəblərdə Ukrayna dilindən başqa istənilən bir dilin faktiki olaraq qadağan olunması barədə qanun layihəsi qəbul edib. Qanunda göstərilir ki, gələn ildən etibarən ibtidai siniflərdə milli azlıqların dilinin, həmçinin də rus dilinin tədrisi davam edəcək. Beşinci sinifdən isə milli azlıqların dilində təhsil ləğv olunacaq.
2020-ci ildən başlayaraq isə milli azlıqların dilinin tədrisi ibtidai siniflərdə də qadağan olunacaq.
