Lənkəranda 250 baş qurban kəsilərək ehtiyacı olanlara paylanıb

Rahim Zakiroğlu, Sputnik Azərbaycan

BAKI, 1 sentyabr — Sputnik. Bu gün ölkəmizin bütün bölgələrində olduğu kimi, Lənkəranda da Qurban bayramı namazı qılınıb və qurbanlar kəsilib.

Sputnik Azərbaycan-ın bölgə müxbiri xəbər verir ki, Lənkəran Şəhər İcra Hakimiyyətinin təşkilatçılığı ilə, şəhərin Kiçik Bazar, Böyük Bazar və Qalayçılar məscidlərində, 250-ə yaxın qurban kəsilərək ehtiyacı olan ailələrə, şəhid ailələrinə və əlillərə paylanılıb.

İcra başçısı Taleh Qaraşov hər üç məscidə gedərək proseslə maraqlanıb.

Ardınca hər 3 məsciddə bayram namazı qılınıb. Tezliklə işğal altında olan torpaqlarda bayram namazı qılınması və ölkəmizin daim rifah halında yaşaması üçün dualar edilib.