BAKI, 31 avqust — Sputnik. "Global Firepower" jurnalı müxtəlif meyarlara əsaslanaraq, dünyanın ən güclü ordularının siyahısını açıqlayıb. Sputnik Azərbaycan "Kommersant"-a istinadən xəbər verir ki, 133 ölkənin yer aldığı siyahıda Rusiya və Türkiyə silahlı qüvvələri ilk onluqda yer alıb.
Rus ordusu ABŞ-dan sonra ikinci, Türkiyə isə 8-ci sırada qərarlaşıb.
Çin 3-cü, Hindistan, Fransa, İngiltərə və Yaponiya isə ardıcıl olaraq 4, 5, 6 və 7-ci pillədə yer alıblar.
Türk ordusu gücünə görə Almaniya, Misir, İtaliya və Cənubi Koreyanı geridə qoyub.
