BAKI, 29 avqust — Sputnik. Bakı şəhərinin Binəqədi rayonu ərazisində güclü yanğın başlayıb. Sputnik Azərbaycan Lent.az-a istinadən xəbər verir ki, "Xutor" adlanan ərazidə təkər təmiri sexində partlayış olub. Daha sonra yanğın başlayıb və ətrafa qara tüstü yayılıb.
Bildirilir ki, yanğın 100 kvadrat metrə yaxın ərazini əhatə edir və lokallaşdırılıb.
Hələlik ölən və yaralananlar barəsində heç bir məlumat yoxdur.
