BAKI, 28 avqust — Sputnik. Azərbaycan Respublikasının Prezidenti İlham Əliyev Natiq Ərziman oğlu Əmirovu mükafatlandırıb. Sputnik Azərbaycan dövlət başçısının rəsmi saytına istinadən xəbər verir ki, bununla bağlı Prezidentin imzaladığı sərəncamda deyilir:
"Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram:
Azərbaycan Respublikasında dövlət qulluğunda səmərəli fəaliyyətinə görə Natiq Ərziman oğlu Əmirov 1-ci dərəcəli "Vətənə xidmətə görə" ordeni ilə təltif edilsin".
Qeyd edək ki, N. Əmirov Azərbaycan Respublikası Prezidentinin iqtisadi məsələlər üzrə köməkçisidir.
