BAKI, 26 avqust — Sputnik. İstanbul Mədəniyyət və Turizm İdarəsi bu ilin 7 ayı ərzində İstanbula gələn turistlərin statistikasını açıqlayıb. Sputnik Azərbaycan Türkiyə mətbuatına istinadla xəbər verir ki, 7 ay ərzində İstanbula Almaniya (538,975), İran (427.018) Səudiyyə Ərəbistanı (294.401) Rusiya (252.706), Fransa (201.867), İngiltərə (201681), Ukrayna (174870), ABŞ (167.460), Hollandiya (146,820), Küveyt (134366), Türkmənistan (117.097) və digər dünya ölkələrindən turistlər gəlib.
İstanbula gedən həmyerlilərimizin sayı isə 115010 nəfər olub. Bu da ötən il ilə müqayisədə (103.693) 10.9 faiz çoxdur. Şimali Koreyadan isə bu ilin 7 ayı ərzində İstanbula 1 nəfər gəlib.
