Şahpəri Abbasova, Sputnik Azərbaycan
BAKI, 25 avqust — Sputnik. Zaqatala rayonunun Qımır kəndində yaşayan, 2006-cı il təvəllüdlü Bayramov Həşim Bayram oğlu, yaşadığı ərazidə sahibsiz itin hücumuna məruz qalıb. Sputnik Azərbaycan-ın bölgə müxbirinin əldə etdiyi məlumata görə, küçədə sahibsiz it Həşim Bayramova hücum edərək onun sağ və sol ayağını dişləyib.
Bayramov Həşim yaşadığı ərazidəki sahibsiz itlərin hücumuna məruz qalıb
© Sputnik / Shahperi Abbasova
Xəstə, lazımi tibbi yardım göstərilib, quduzluq əleyhinə peyvənd vurulduqdan sonra ambulator müalicə almaq şərti ilə evə buraxılıb. Xəstənin valideyni Bayram Bayramov bu tipli hadisələrin tez-tez baş verdiyini deyib: "Sahibsiz itlərin əlindən bilmirik uşaqlarımızı necə qoruyaq. Yaxşı olar ki, aidiyyəti qurumlar buna bir əncam çəksinlər".
