BAKI, 25 avqust — Sputnik. Yəməndə Səudiyyə Ərəbistanına məxsus döyüş təyyarələri vətəndaşların yaşadıqları evləri bombalayıb. Sputnik Azərbaycan Türkiyə mətbuatına istinadla xəbər verir ki, hücum zamanı 14 nəfər həyatını itirib, çox sayda insan dağıntılar altında qalıb. Ölənlər arasında azyaşlı uşaqlar da var.
Yerli qaynaqların verdiyi məlumata görə, təyyarələr Səna şəhərinin Fəc Atan bölgəsində 4 fərqli nöqtəni vurub. Əl-Məsira telekanalından bildirilib ki, gecə həyata keçirilən hücumdan sonra dağıntılar altında vətəndaşlar qalıb.
