BAKI, 23 avqust — Sputnik. Avqustun 8-də saat 15.00 radələrində Səbail rayonu ərazisində, Dənizkənarı Milli Parkda dənizdən, üzərində zorakılıq əlamətləri olmayan, 50-55 yaşlarında qadın meyiti tapılıb. Bu barədə Sputnik Azərbaycan-a Daxili İşlər Nazirliyinin (DİN) mətbuat xidmətindən məlumat verilib.
Meyitin əlamətləri: boyu 156 santimetr, arıq bədən quruluşlu, saçları qaradır.
Naməlum qadın meyiti
© Photo : AR DİN mətbuat xidməti
Meyit aşkar edilərkən qulağında qızıl sırğa, əynində yaşıl kofta və uzun ətəkli qara don olub.
Həmin şəxsi tanıyanlardan "102 Zəng Mərkəzi"nə, yaxud, 492-02-02 nömrəli telefonla Səbail RPİ-nin 9-cu Polis Bölməsinə məlumat vermələri xahiş olunur.
