BAKI, 21 avqust — Sputnik. ABŞ prezidenti Donald Tramp "Twitter" sosial şəbəkəsindəki hesabını ləğv etsə, sözügedən şirkət 2 milyard dollara yaxın ziyana düşəcək. Sputnik Azərbaycan "NTV"-yə istinadən xəbər verir ki, bunu "Monness Crespi Hardt & Co." şirkətinin əməkdaşı Ceyms Çakmak deyib.
Onun sözlərinə görə, əgər xarizmatik prezident şəbəkədən istifadəni dayandırsa, "Twitter" böyük zərərə uğrayacaq. "Bu adamın hər addımı uğurlu reklamdır. Tramp pulsuz reklam deməkdir. Əgər yazmağı tərk etsə, ya da öz səhifəsini dondursa, şirkət ziyana düşəcək. 2 milyard dollarlıq ziyana" — Ceyms Çakmak bildirib.
Hazırda, Twitter şirkətinin bazar dəyəri 11,7 milyard dollar səviyyəsində qiymətləndirilir.
