BAKI, 19 avqust — Sputnik. Rusiya, Polşada yerləşən və İkinci Dünya müharibəsi zamanı 250 min yəhudiyə məzar olan keçmiş Sobibor əsir düşərgəsindəki muzeyin yenilənməsi işinə buraxılmayıb. Sputnik Azərbaycan xarici mediaya istinadən xəbər verir ki, buna İsrail dövləti mane olub.
Rəsmi Təl-Əvivin qərarını şərh edən Rusiyanın XİN sözçüsü Mariya Zaxarova, bunun tarixi satqınlıq olduğunu bildirib: "Rusiyanın keçmiş Sobibor əsir düşərgəsindəki muzeyin yenilənməsinə buraxılmaması ilə bağlı İsrailin mövqeyi tarixi satqınlıqdır. İsrailin mövqeyini heç cürə anlaya bilmirəm".
