Müharibə xatirəsini 70 il sonra qaytardı

BAKI, 13 avgust — Sputnik. Amerikalı 93 yaşlı Marvin Strombo II Dünya Müharibəsi zamnaı ölmüş bir yapon əsgərinin üzərindən götürdüyü bayrağı 73 il sonra yaxınlarına vermək üçün Yaponiyaya gedib.

Sputnik Azərbaycan Türkiyə mətbuatına istinadla xəbər verir ki, bayrağı 1944-

cü ildə Saipan müharibəsi zamanı ölmüş bir yapon əsgərinin üzərindən götürən Strombo illərlə üzərində imzaların olduğu bayrağın sahiblərini axtarmaqla məşğul olub. Ancaq onun cəhdləri hər zaman nəticəsiz qalıb.

İnternet dövrü başladıqdan sonra isə yenidən axtarışa başlayan Strombo bayrağın Tokionun 340 km qərbində bir kənddən olan Yasue Sadaoya aid olduğunu müəyyən edib. Əsgərə uğur gətirmək üçün verilən bayrağın üzərində 180 nəfər yaxının imzası olub.

Hazırda bayraqda imzası olan 7 nəfərin sağ olduğu müəyyən edilib.