BAKI, 10 avqust — Sputnik. Qətər dövləti Azərbaycan vətəndaşları üçün viza rejimini sadələşdirib.
APA-nın "Qatar Airways"a istinadən verdiyi məlumata görə, bu barədə Qətərin Daxili İşlər Nazirliyi və Turizm İdarəsinin birgə açıqlamasında bildirilir.
Qeyd olunur ki, Azərbaycan və digər 46 ölkənin vətəndaşları üçün əvvəlcədən viza sənədləri toplamaq tələb olmayacaq və onlar Qətərə daxil olduqda, viza ala biləcəklər. Viza 30 gün müddətində aktiv olacaq və onu 30 gün uzatmaq mümkün olacaq.
