BAKI, 10 avqust — Sputnik. 2017-ci ildə neftə olan tələbat orta hesabla 96,5 mln. barel/gün təşkil edəcək. "Report" xəbər verir ki, bu proqnoz OPEC təşkilatının yeni hesabatında yer alıb.
Qeyd edək ki, bu proqnoz əvvəlki ilə müqayisədə tələbin 100 min barel/gün və ya 0,1% artacağını göstərir.
Gələn il isə neft tələbatı 97,8 mln. barel/günə çatacaq. Bu da əvvəlki proqnozla müqayisədə 100 min barel/gün və ya 0,1% çoxdur.
OPEC-in hesabatında yer alan proqnozlara əsasən, 2017-ci ildə kartel üzvü olan ölkələrdə neft hasilatı 55,6 mln. barel/gün səviyyəsində proqnozlaşdırılır.
