BAKI, 8 avgust — Sputnik. Şimali Koreyanın "Vaşinqtona ciddi dərs verməyə hazırıq" xəbərdarlığına ABŞ-ın BMT-dəki daimi təmsilçisi Nikki Haley cavab verib. Sputnik Azərbaycan "FOX"-a istinadən xəbər verir ki, Haley, Koreya rəhbərliyini ağılsız adlandırıb.
"Əlbəttə Amerikanın haqlı mövqeyi qarşısında onlar reaksiya verəcəklər, təhdid edəcəklər, ancaq biz bundan qorxub qaçan deyilik" — Nikki Haley bildirib.
ABŞ-ın BMT-dəki nümayəndəsi deyib ki, Şimali Koreya rəhbərliyi sahib olduğu hər dolları xalqını dolandırmaq yerinə nüvə silahı istehsalına xərcləyir.
"Bizim sanksiyalarımız onları qəzəbləndirir. Rusiya və Çin də bizimlə bərabər olduqlarını açıqladılar. İnanıram ki, bu sanksiyalar Şimali Koreyanın ballistik raket sınaqlarının fəaliyyətinə pis təsir göstərəcək" — Haley qeyd edib.
