Cavid Zeynallı: “Kollektivimizin uğurla çıxış edəcəyinə inanırıq”
Akademik Milli Dram Teatrının kollektivi beynəlxalq festivalda Azərbaycanı təmsil edəcək. Akademik Milli Dram Teatrının mətbuat xidmətinin rəhbəri Cavid Zeynallı Sputnik Azərbaycana deyir ki, bu festival Bolqarıstanın Varna şəhərində keçiriləcək Monotamaşalar Festivalıdır:
“Akademik Milli Dram Teatrının kollektivi festivalda “İuda” tamaşası ilə çıxış edəcək. Mədəniyyət və Turizm Nazirliyi və Teatr Xadimləri İttifaqının təşkilatçılığı ilə ölkəmizi təmsil edəcək “İuda” səhnə əsəri avqustun 7-də tamaşaçılara təqdim ediləcək” “Monotamaşalar Festivalı Bolqarıstanda ənənəvi olaraq keçirilir. Festivala Rusiya, Ukrayna, İsveçrə, Gürcüstan, Kanada və digər ölkələrin təmsilçiləri də qatılacaq. İnanırıq Azərbaycanı bu festivalda təmsil edəcək teatr xadimləri uğurla çıxış edəcəklər” – deyə o bildirib.
