BAKI, 27 iyul — Sputnik. Ukraynanın Odessa vilayətinin keçmiş qubernatoru Mixail Saakaşvilinin “Yeni qüvvələrin hərəkatı” partiyası tərəfdarlarını paytaxt Kiyevin Müstəqillik meydanında mitinq keçirməyə çağırıb. Sputnik Azərbaycan bu barədə "Korrespondent"-ə istinadən xəbər verir.
Partiya özünün "Facebook" səhifəsində Saakaşvili tərəfdarlarını sabiq qubernatora sahib çıxmağa səsləyib.
"Onlar həyasızcasına hamımızın üzünə tüpürüb deyirlər ki, bizim hüquqlarımız onlar üçün heç nədir” – partiyanın bəyanatında qeyd olunur.
Xatırladaq ki, dünən Ukrayna dövləti Mixail Saakaşvilini Ukrayna vətəndaşlığından məhrum etdiyini açıqlamışdı. Lakin Saakaşvili, Ukraynaya qayıdacağını və mübarizəsini davam etdirəcəyini bildirib.
