BAKI, 27 iyul — Sputnik. ABŞ-ın İllinoys Universiteti alimləri aşkar ediblər ki, "lütein" adlı vacib birləşmə beyini cavanlaşdırır, beyində yaşla bağlı olan dəyişikliklərin qarşısını alır.
Sputnik Azərbaycan saglamolun.az-a istinadən bildirir ki, lütein beyin və gözlərdə toplanır. Lüteinin səviyyəsi nə qədər yüksəkdirsə, beyin bir o qədər cavan qalır və yaxşı işləyir.
Eurek Alert saytı xəbər verir ki, lütein həmçinin orqanizmdə iltihabla mübarizə aparır ki, bu da öz növbəsində koronar çatışmazlığının riskini azaldır. Koronar çatışmazlıq infarkt və insultun əsas səbəbidir.
Lütein orqanizmdə sintez olunmur və insan bu vacib maddəni yalnız bəzi məhsullardan ala bilir. Bu məhsullar ispanaq, yumurta və avokadodur.
