"Layihəmiz cari ilin may, iyun və iyul aylarını əhatə edir. Biz bu müddət ərzində qeyd olunan təbəqədər olan uşaqlar üçün 24 kurs təşkil etdik. Təxminən iki həftədən bir keçirilən kursların yekunları ilə bağlı ictimaiyyətə açıq olan təlim həyata keçirildi ki, hər kəs orada təlimin gedişini izləmək imkanı qazandı".
"Müxtəlif kurslara 80 uşaq cəlb olunmuşdur ki, bunun 40-ı oğlan, 40 nəfəri isə qız uşaqları idi. Qız uşaqlarına tikmə və hörmə sənətləri, oğlan uşaqlarına isə müxtəlif suvenirlərin, təsvir və formaların hazırlanması öyrədildi. Biz layihə çərçivəsində belə qənaətə gəldik ki, bu təbəqədən olan uşaqlar xüsusi diqqət və qayğı istəyir. Onlar həyata iki əl ilə yapışmaq istəyirlər ki, kimsə onlara dəstək versin", — deyə Tural Məmmədov bildirib.
