BAKI, 25 iyul — Sputnik. Kanadanın Britaniya Kolumbiyası əyalətinin Ali Məhkəməsi 61 yaşlı Uinston Blekmoru və onun keçmiş kürəkəni Ceyms Oleri çoxarvadlılıqda günahkar bilib.
Bu barədə "Report" "Yahoo News"a istinadən xəbər verir.
Ümumiyyətlə, 1990-ci ildən 2014-ci ilədək U.Blekmor 24 qadınla evlənib və bu evliliklər nəticəsində 145 uşağı dünyaya gəlib. Onun 53 yaşlı kürəkəninin isə 5 arvadı var. Hər ikisini 5 ilədək həbs cəzası gözləyir.
Bildirilir ki, onlar Mormonlar icmasının üzvləridir. Oler və Blekmor 1946-ci ildə yaradılan və 1,5 min poliqamiya tərəfdarlarını birləşdirən Bauntiful yaşayış məskənində yaşayırlar. Kommunanın iqtisadiyyatı natural mübadilə prinsipi üzərində qurulub.
