Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Azərbaycanın ən böyük təhsil ocağında yoxlama: ciddi nöqsanlar aşkarlanıb

© Sputnik / Murad OrujovБакинский государственный университет
Бакинский государственный университет - Sputnik Azərbaycan
Abunə olmaq
Aşkar edilmiş qanunvericiliyin pozulması halları barədə aidiyyəti orqana məlumat verilib

BAKI, 24 iyul — Sputnik. Hesablama Palatası Bakı Dövlət Universitetində (BDU) audit yoxlaması aparıb. Hesablama Palatasının Mətbuat Xidmətindən Sputnik Azərbaycan-a verilən məlumata görə, universitetin gəlirləri 2015-ci ildə 36,1 mln. manat, 2016-cı ildə 41,1 mln. manat, xərcləri müvafiq olaraq 33,6 mln. manat və 41,1 mln. manat olub.

Азербайджанские манаты разного номинала - Sputnik Azərbaycan
CƏMİYYƏT
Dövlət Universitetində ciddi yeyinti olub

Bundan başqa, qrant hesabına 2015-ci ildə 12854,0 ABŞ dolları, 30166,0 avro, 54000,0 rubl, 109100,0 manat, 2016-cı ildə 85,2 min ABŞ dolları, 29,5 min avro, 700,0 min rubl, 109,1 min manat daxilolma, müvafiq layihə çərçivəsində uyğun olaraq 133,4 min manat və 182,2 min manat xərcləri olub.

Bakalavriat təhsil səviyyəsi üzrə Universitetin tələbə qəbulu planı 2015/2016-cı tədris ilində 88,6% (dövlət sifarişi əsasında təhsil alan tələbələrin sayı 2076 nəfər, ödənişli əsaslarla təhsil alan tələbələrin sayı 2111 nəfər təşkil edib), 2016/2017-ci tədris ilində 93,0% (dövlət sifarişi əsasında təhsil alan tələbələrin sayı 2314 nəfər, ödənişli əsaslarla təhsil alan tələbələrin sayı 2231 nəfər təşkil etmişdir) yerinə yetirilib.

Magistratura təhsil səviyyəsi üzrə Universitetin magistrant qəbulu planı 2015/2016-cı tədris ilində 82,3% (dövlət sifarişi üzrə 457 nəfər, ödənişli təhsil üzrə 162 nəfər), 2016/2017-ci tədris ilində 76,8% (dövlət sifarişi üzrə 464 nəfər, ödənişli təhsil üzrə 129 nəfər), fəlsəfə doktoru proqramı üzrə doktorantların qəbul planı 2015-ci ildə 100,0% (dövlət sifarişi üzrə), 2016-cı ildə 81,4% (dövlət sifarişi üzrə 82 nəfərə qarşı 70 nəfər və ya 85,3%, ödənişli əsaslarla 15 nəfərə qarşı 9 nəfər və ya 60,0%), elmlər doktoru proqramı üzrə dissertantların qəbul planı 2015-ci ildə 75,0% (dövlət sifarişi üzrə), vakant yerlərin sayı 1), 2016-cı ildə 100,0% (dövlət sifarişi üzrə), fəlsəfə doktoru proqramı üzrə dissertantların qəbul planı 2015-ci ildə 68,6% (dövlət sifarişi üzrə 56 nəfərə qarşı 43 nəfər və ya 76,7%, ödənişli əsaslarla 11 nəfərə qarşı 3 nəfər və ya 27,2%, vakant yerlərin sayı 8 nəfər), 2016-cı ildə 78,3% (dövlət sifarişi üzrə 61 nəfərə qarşı 58 nəfər və ya 95,0%, ödənişli əsaslarla 13 nəfərə qarşı 6 nəfər və ya 46,1%, vakant yerlərin sayı 16 nəfər) yerinə yetirilib.

Universitetdə ödənişli əsaslarla təhsil almış və müxtəlif kurslardan akademik məzuniyyətə getmiş tələbələrin qabaqcadan ödənilmiş təhsil haqqı məbləğləri kreditor borc kimi, müxtəlif səbəblərdən xaric edilmiş təhsil alanlar üzrə təhsil haqqı məbləğləri, tələbələr sırasından xaric edilmiş əcnəbi tələbələrin təhsil haqqı məbləğləri debitor borcunda əks etdirilməyib, "Maarifçi Tələbə Kredit" Fondu ilə təhsil krediti haqqında müqavilə imzalayan tələbələr üzrə hesablanmış təhsil haqqı məbləği universitetin zərərinə silinib, dövlət sifarişi ilə təhsil alan, lakin müxtəlif səbəblərdən universitetin tələbələri sırasından xaric edilmiş tələbələr üzrə təhsil haqqı məbləği dövlət büdcəsinə qaytarılmamış, akademik borcu olan Universiteti bitirmiş və diplom almış tələbələrin kredit haqqı üzrə mövcud olan borcu da Universitetin debitor borcu kimi uçotda öz əksini tapmamış, dövlət sifarişi ilə təhsil alan tələbələrin 2015/2016-cı tədris ilində qış imtahan sessiyasının nəticələrinə görə 22,2%-nin, yay imtahan sessiyasının nəticələrinə görə 16,4%-nin, 2016/2017-ci tədris ilində isə qış imtahan sessiyasının nəticələrinə görə 18,7%-nin akademik borcu qalıb.

Milli Məclis - Sputnik Azərbaycan
İQTİSADİYYAT
Büdcənin icrası ilə bağlı nöqsan aşkarlanıb

"Ali təhsil müəssisələrinin inşaat, maddi-texniki təchizat, kadr potensialı və strukturuna qoyulan minimum normalar"ın tələblərinə bəzi hallarda əməl olunmayaraq artıq ştatlar saxlanılıb. Əmək haqqına əlavələrin düzgün tətbiq edilməməsi nəticəsində "Gənc istedadlar Liseyi"nin müəllimlərinə artıq, eyni zamanda Universitetdə işləyən məcburi köçkünlərə düzgün olmayaraq yüksəkliyə görə əlavə əmək haqqı, müvafiq normativ-hüquq aktların tələbləri düzgün tətbiq olunmayaraq Universitetdə təhsil alan və Azərbaycan Respublikasının vətəndaşı olmayan tələbələrə də təqaüd ödənilib.

2016-cı ildə "Təhsil" xərcləri bölməsindən "Gənc İstedadlar Liseyi"nə, "Təhsil sahəsində tətbiqi tədqiqatlar" köməkçi bölməsindən "Elm" xərclərinə, "Tələbələrə verilən təqaüdlər" xərc paraqrafına ayrılmış vəsaitin müvafiq illər üzrə istifadə olunmayan hissəsinin büdcəyə qaytarılması, Azərbaycan Respublikası Vergi Məcəlləsinə uyğun olaraq qeyri-rezidentdən gəlir vergisinin tutulması təmin edilməyib.

Hesabat dövründə əldə olunan gəlir "Maliyyə fəaliyyətinin nəticələri haqqında hesabat"da düzgün göstərilməyib, "Digər təşkilatlardan köçürmələr" hesabında xarici və daxili mənbələr hesabına alınmış qrant məbləğlərinə görə bank hesablarında olan qalıqlar "Maliyyə vəziyyəti haqqında hesabat"a daxil edilməyib.

Auditin nəticələri üzrə aşkar edilmiş qanunvericiliyin pozulması halları, nöqsanların qısa müddət ərzində aradan qaldırılması, eləcə də hüquq pozuntusuna yol vermiş vəzifəli şəxslərin Azərbaycan Respublikasının qanunvericiliyi ilə müəyyən olunmuş qaydada məsuliyyətə cəlb edilməsi məqsədilə Kollegiya Qərarının surəti Bakı Dövlət Universitetinə göndərilib. Auditin nəticələri üzrə Azərbaycan Respublikasının Milli Məclisinə məlumat verilib.

Xəbər lenti
0