Rahim Zakiroğlu, Sputnik Azərbaycan
BAKI, 22 iyul — Sputnik. Masallıda avtomobil yoldan çıxaraq aşıb, sürücü xəsarət alıb.
Sputnik Azərbaycan-ın bölgə müxbirinin verdiyi məlumata görə, hadisə Masallı-Yardımlı yolunda, Masallının Qəriblər kəndi ərazisində qeydə alınıb. Masallının Ərkivan qəsəbə sakini Süleyman Ramazan oğlu Abdullayevin idarə etdiyi “VAZ-21011” markalı avtomaşın hərəkətdə olarkən idarəetməni itirərək aşıb. Nəticədə sürücü xəsarət alaraq Masallı Rayon Mərkəzi Xəstəxanasına aparılıb. Onun vəziyyətinin orta-ağır olduğu deyilir.
Hadisəyə yüksək sürətin səbəb olduğu bildirilir.
