BAKI, 19 iyul — Sputnik. Türkiyə Qətərdə qurduğu hərbi bazaya daha 171 əsgər göndərəcək. Sputnik Azərbaycan "Timeturk"-ə istinadən xəbər verir ki, bu Türkiyənin Qətərə göndərdiyi hərbi birlikdən altıncısıdır.
Türk əsgərlərin paytaxt Dohaya gəlməsi faktını Qətərin Müdafiə Nazirliyi də təsdiqləyib. Nazirlikdən bildirilib ki, iki ölkə müdafiə sahəsində, həmçinin terrorla mübarizə və təhlükəsizlik sahələrində aktiv şəkildə əməkdaşlıq edir.
