BAKI, 19 iyul — Sputnik. Dünən Mərkəzi Bankda keçirilmiş hərracda dolların orta çəkili məzənnəsi 1.7022 manatdan 1.7017 manata düşsə də, banklarda alış və satış qiymətləri nəinki geriləmir, əksinə yüksəlir. Dünən hərracdan sonra bir neçə bankda dolların alış və satış qiymətlərində cüzi enmə müşahidə edilmişdi.
Sputnik Azərbaycan “Marja”ya istinadla xəbər verir ki, bu gün saat 09:45-ə olan məlumata görə, dolların alış qiymətini Turanbank 1.6990 manatdan 1.70 manata, Bank of Baku 1.6940 manatdan 1.6960 manata, Bank Avrasiya 1.6950 manatadan 1.6960 manata, Ziraat Bank Azərbaycan 1.6750 manatdan 1.6820 manata, NBC Bank 1.69 manatdan 1.6950 manata, Azər Türk Bank 1.650 manatdan 1.6960 manata qaldırıb.
