BAKI, 14 iyul — Sputnik. Azərbaycan prezidenti İlham Əliyev "Azərbaycan Respublikasının 2017-ci il dövlət büdcəsi haqqında" qanununda dəyişikliklər edilməsi barədə" qanunu təsdiqləyib.
Sputnik Azərbaycan xəbər verir ki, qanunda edilən dəyişikliklərə əsasən, dövlət büdcəsinin gəlirləri 16,766 mlrd. manat, xərcləri 17,941 mlrd. manat (o cümlədən, mərkəzləşdirilmiş gəlirləri 16 mlrd. 119,015 mln. manat, yerli gəlirləri 646,985 mln. manat, mərkəzləşdirilmiş xərcləri 17 mlrd. 219,758 mln. manat, yerli xərcləri 721,242 mln. manat) məbləğində təsdiq edilib.
